Жорж Флойдын зээ охиныг буудаж шархдуулжээ

      Миннеаполис хотноо 2020 оны тавдугаар сард цагдаагийн гарт амиа алдсан африк гаралт америк Жорж Флойдын дөрвөн настай зээ охин бууны сумны шарх авсан тухай FOX9 телевиз мэдээлэв. Флорида мужид болсон уг хэрэг мөрдөн байцаалтын шатанд явж байна. Цагдаагийнхны мэдээлснээр, дөрвөн том хүн, хоёр хүүхэд байсан байр луу үл таних этгээд хэдэнтээ буудсан аж. Талийгаач Жорж Флойдын эгч Латониагийн ярьснаар дөрвөн настай охин гэдсэндээ шархадсан ба сум хэд хэдэн хавиргыг нь цоолжээ. Хагалгаа хийлгэсэн охины биеийн байдал сайжирч, эдгэж байгаа гэнэ.