А.Конте "Тоттенхэм"-ийн дээд амжилт тогтоов

     Английн Премьер лигийн "Тоттенхэм" багийн дасгалжуулагч Антонио Конте тус багийн түүхэнд дээд амжилт тогтоолоо. 52 настай итали мэргэжилтэн Лондонгийн клубын түүхэн дэх эхний долоон тоглолтод дөрөв хожиж, гурав тэнцсэн анхны дасгалжуулагч болжээ. Хамгийн сүүлд буюу 12-р сарын 28-нд Саутхэмптон хотын "Сент-Мэри" цэнгэлдэх хүрээлэнд зочлон очиж, 1:1-ээр хайнцсан аж. Хорин тойргийн дараах байдлаар 30 оноогоор зургаад бичигдэж буй тэд нэгдүгээр сарын 1-нд "Уотфорд" багтай тоглоно.                                         "Тоттенхэм"-ийг 2021 оны 11-р сараас дасгалжуулж эхэлсэн түүний гэрээ 2023 он хүртэл юм.