Аваргуудын лигийн Е хэсгийн сүүлчийн тойргийн тоглолтууд хөлбөмбөг сонирхогчдын анхаарлыг татаж байсан. Учир нь Испанийн алдарт "Барселона" клуб Европа лиг рүү унах уу, Аваргуудын лигийн хасагдах шатанд шалгарах уу гэдэг асуулт сүүлчийн тойрогт хариултаа өгөх байсан юм.

Тэгвэл "Барселона" клуб шийдвэрлэх тоглолтоо Германы алдарт "Байерн Мюнхэн" багийн талбайд зочилж, 3:0-ээр хожигдсоноор Европа лиг рүү уналаа.

Харин нөгөө талд Португалын "Бенфика" клуб талбайдаа Украины "Динамо Киев"-ыг хүлээж авч, 2:0-ээр буулгаж авснаар Аваргуудын лигийн хасагдах шатанд шалгарлаа.