Н.ван дер Пул дэлхийн дээд амжилтыг шинэчиллээ

    АНУ-ын Солт-Лейк-Сити хотод тэшүүрийн дэлхийн цомын тэмцээн болж байна. Эрэгтэйчүүдийн 5,000 метрийн зайд дэлхийн хошой аварга, 25 настай швед Н.ван дер Пул 6 минут 1,56 секундээр түрүүлж, дэлхийн дээд амжилт тогтоосон бол олимпын мөнгө, дэлхийн аваргын гурван мөнгөн медальт, Голландын П.Руст 6 минут 4,41 секундээр мөнгө, Италийн Д.Гиотто 6 минут 7,27 секундээр хүрэл медаль хүртэв. Өмнөх дээд амжилтыг яг дөрвөн жилийн өмнө аанай л Солт-Лейк-Ситийн мөсөн талбайд олимпын алт, мөнгөн медальт, Канадын Т.Блумен 6 минут 1,86 секундээр тогтоож байжээ.