НҮБ-ын ерөнхий нарийн бичгийн дарга омикроноос болж, хилээ хааж буйг шүүмжлэв

             НҮБ-ын ерөнхий нарийн бичгийн дарга Антониу Гутерриш өнөөдөр мэдэгдэл хийснийг "Ройтерс" агентлаг уламжиллаа. Олон улс хилээ хааж, зорчихыг хориглосон нь ялгаварлан гадуурхсан шинжтэй бөгөөд тахлын эсрэг тэмцэлд үр дүнгүй байгааг онцлоод "Бидэнд аяллын аюулгүй байдлыг хангах механизм бий. Аялагч апартейдээс зайлсхийхийн тулд эдгээр аргыг хэрэглэцгээе" гэж НҮБ-ын генсек уриалжээ. Мөн тодорхой улс орон, бүс нутгийг тусгаарласан хязгаарлалт нь "шударга бус, шийтгэлийн шинжтэйгээс гадна үр дүнгүй" болохыг онцлон тэмдэглээд, халдваржих эрсдэлийг бууруулж, эдийн засгийн харилцаагаа хадгалах цор ганц арга бол жуулчдыг байнга шалгаж хүлээн авах явдал болохыг дурджээ.