К.Капризов дээд амжилт тогтоолоо

     NHL-ийн 2021-2022 оны улирлын урьдчилсан шатны тоглолтод "Миннесота Уайлд" баг "Аризона Койотис"-ыг 5:2-оор "бут ниргэлээ". Тоглолтын 38 дахь минутад өрсөлдөгчийнхөө хаалганд шайб оруулсан орос довтлогч К.Капризов өвөрмөц амжилтын эзэн болжээ. Энэ нь түүний "Миннесота"-гийн бүрэлдэхүүнд оруулсан 30 дахь шайб аж. Орос залуу 67 тоглолтод 30 шайб оруулсан нь "Миннесота"-гийн түүхэнд дээд амжилтаар бүртгэгдэх нь тэр. Өмнө нь М.Габорик 93 тоглолтод 30 шайб оруулж, уг дээд амжилтыг эзэмшиж байв.