А.Овечкин бүх цаг үеийн дөрөвдүгээрт бичигдэв

        NHL-ийн "Вашингтон Кэпиталз" багийн ахлагч Александр Овечкин "Баффало Сейбрз"-тэй хийсэн тоглолтын 29 дэх минутад шайб оруулснаар бүх цаг үеийн "мэргэн буучид"-ын жагсаалтын дөрөвдүгээрт бичигдэв. Энэ нь 36 настай алдарт хоккейчний 741 дэх шайб бөгөөд өмнө нь домогт Уэйн Гретцки 894, Горди Хоу 801, Яромир Ягр 766 шайбаар орж байна. Орос эр энэ улиралд 12 тоглолтод 20 оноо аваад буй. Түүний 11 нь шайб, ес нь оновчтой дамжуулалт юм.