Э.Дэлгэрмаа хүрэл медаль хүртлээ

  Сербийн нийслэл Белградад бөхийн төрлүүдийн 23 хүртэлх насны дэлхийн аварга шалгаруулах тэмцээн болж байгаа билээ. Эмэгтэйчүүдийн 68 кг-д залуучуудын дэлхийн аваргын мөнгө, насанд хүрэгчдийн Азийн аваргын мөнгө, хүрэл медальт, ОУХМ Э.Дэлгэрмаа хүрэл медалийн төлөө барилдахаар шалгарсан тухай бид өмнө нь мэдээлсэн. Тэгвэл манай бөх Германы С.Шаэфлег 5 минут 16 секундэд цэвэр ялж, хүрэл медаль хүртэв. Нөгөө хүрлийн эзнээр Украины О.Чудик тодорсон бол Францын К.Ларрокю түрүүлж, ОХУ-ын В.Парфианович үзүүрлэлээ. Аваргын төлөөх барилдаанд франц бүсгүй өрсөлдөгчөө 3:0-ээр хожсон юм.