Бага" Ж.Жексон 105 сая ам.долларын гэрээ үзэглэв

       "Мемфис Гризлиз" багийн хүчний довтлогч, 22 настай "бага" Ж.Жексон гэрээгээ дөрвөн жилээр сунгалаа. Тэрээр энэ хугацаанд 105 сая ам.доллар халааслах аж. Өнгөрсөн улиралд тэр, ердөө 12-хон тоглолтод оролцохдоо 14 оноо, 5,5 самбараас бөмбөг авалт, 1,3 оновчтой дамжуулалт дунджилжээ. Түүний зүүн өвдөг гэмтсэн тул улирлыг дуусгаж чадаагүй билээ. 2018 оны драфтын дөрвөөр NBA-д хөл тавьсан "бага" Ж.Жексон 2019-2020 оны улиралд 17,4 оноо, 4,6 самбараас бөмбөг авалт, 1,6 блок-шот дунджилсан юм.