Туркийн ерөнхийлөгч, Сочид В.Путинтэй уулзсанаа үнэлэв

    Туркийн ерөнхийлөгч Режеп Эрдоган, ОХУ-ын ерөнхийлөгч Владимир Путинтэй Сочид уулзсаныгаа "үр дүнтэй уулзалт" хэмээн нэрлэлээ. Олон нийтийн сүлжээнд "Хамтран ажилладаг Путинтэйгээ үр дүнтэй уулзсаны дараа бид Сочигоос явлаа" гэж бичсэн тэр, уг уулзалтын үеэрх зургаа нийтэлжээ. Түүнчлэн ОХУ-ын удирдагч тус хэлээлцээрийг өндрөөр үнэлсэн аж. В.Путин "Хүрэлцэн ирсэн та бүхэнд баярлалаа. Энэ уулзалт маш хэрэгтэй бөгөөд утга учиртай байлаа. Бид холбоо барих болно" гэж В.Путин зочноо үдэхдээ хэлсэн байна. Тэд хоёр талын харилцаа, бүс нутгийн тулгамдсан асуудлууд болох Өмнөд Кавказ, Афганистан, Ливи, Сирийн байдлын талаар ярилцсан гэнэ.                                  Хэвлэлийнхэнд хаалттай уулзалт хоёр цаг 45 минут үргэлжлэв.