Гавьяат тамирчин Э.Содномпилжээд 120 сая, дасгалжуулагч Д.Баттулгад 60 сая төгрөг олгохоор шийдвэрлэв

Засгийн газрын өнөөдрийн ээлжит хуралдаанаар Токио-2020 паралимпын аварга, Гавьяат тамирчин Э.Содномпилжээд 120 сая, түүний дасгалжуулагч Д.Баттулгад 60 сая төгрөг олгох тухай тогтоолыг баталжээ.

Олон улсын олимпын хорооны ивээл дор зохион байгуулагддаг тив, дэлхийн наадам болон дэлхийн аварга шалгаруулах тэмцээнд амжилттай оролцож, медаль хүртсэн тамирчин, түүний дасгалжуулагчийг шагнаж урамшуулах журмын дагуу энэхүү мөнгө шагналыг олгосон байна.