Байт харвааны эрэгтэй ганцаарчилсан төрлийн чансаа тогтоох тэмцээн явагдаж өндөрлөлөө. Монгол Улсаа төлөөлөн оролцсон Б.Отгонболд 646 оноотой, 54-р байрт жагсав.

Тэргүүн байрт Өмнөд Солонгосын Ким Жэ Док жагсч, түүний араас АНУ-ын тамирчин Брэди Эллисон, Өмнөд Солонгосын О Жин Хьёк нар удаалжээ.

Манай Б.Отгонболд 27нд Хятадын тамирчинтай өрсөлдөнө.

Өнөөдөр эрэгтэй, эмэгтэй байт харвааны ганцаарчилсан төрлүүд мөн холимог багийн төрлүүд явагдлаа. Эрэгтэй, эмэгтэй тамирчдын оноог нийлүүлэн холимог багийн оноог гаргасан бөгөөд Монголын тамирчид нийлээд 1260 он цуглуулж, 64 орноос 27-р байрт жагслаа.