Вакцинжуулалтад хамрагдсан хүүхдүүдэд 50 мянган төгрөг олгоно

Ковид19-ийн эсрэг дархлаажуулалтад хамрагдсан иргэдэд 50 мянган төгрөгийн урамшуулал олгох шийдвэрийг Засгийн газраас гарсан. Тэгвэл энэхүү урамшуулалд энэ сарын 28-ны өдрөөс дархлаажуулалтад хамрагдаж байгаа 12-15 насны хүүхдүүд ч хамрагдахыг Сангийн яамнаас мэдээллээ. 

Энэ талаар Сангийн яамны Зарлагын хэлтсийн дарга М.Санжаадорж "Засгийн газрын тогтоолд иргэн бүрд гэж заасан учир вакцины эхний тунд хамрагдсан хүүхдүүд мөн урамшуулалд хамрагдана. Дархлаажуулалттай зэрэгцээд энэ жилдээ 50 мянган төгрөгийн санхүүжилт үргэлжлээд явна" гэлээ.