Засгийн газар хуралдаж байна

Засгийн газрын ээлжит бус хуралдаан өнөөдөр 09:00 цагт эхэллээ. Ээлжит бус хуралдаанаар төсөвт тодотгол хийх асуудлыг хэлэлцэж байна. Харин Засгийн газрын ээлжит бус хуралдаанаас гарсан шийдвэрийн талаар 11:40 цагаас мэдээлнэ.

Өнгөрөгч баасан гарагт ҮАБЗ хуралдаж, төсөвт тодотгол хийх замаар Эрүүл мэндийн салбарт оруулах нэмэлт санхүүжилт, хүүхдийн 100 мянган төгрөгийн мөнгөн тэтгэмж, ААН, айл өрхийн хэрэглээний зарим зардлыг төрөөс төлөх шийдвэрээ он дуустал үргэлжлүүлэх асуудлыг хэлэлцсэн юм. Монгол Улсын Ерөнхийлөгч У.Хүрэлсүх, УИХ-ын дарга Г.Занданшатар нар дэмжиж ажиллахаа илэрхийлсэн.

Үүнтэй холбогдуулан Засгийн газар авч хэрэгжүүлэх арга хэмжээний нарийвчилсан төлөвлөгөөгөө гаргаж УИХ-д өргөн мэдүүлэх юм.