Улсын дээд шүүх хоёр АН-ыг батламжилсангүй

Улсын дээд шүүх өнөөдрийн хуралдаанаараа хоёр АН-ын аль алинийг нь бүртгэхээс татгалзжээ. Ерөнхийлөгч Х.Баттулгыг Ерөнхийлөгчийн сонгуульд дахин нэр дэвшүүлэхийн тулд АН дүрмээ өөрчлөхөөр болж, энэ нь маргаан дагуулсан учраас тус нам хоёр хуваагдаад байсан юм. Бидний авсан мэдээллээр Улсын дээд шүүх УИХ-ын гишүүн О.Цогтгэрэлийн толгойлж байгаа АН-аас ирүүлсэн шаардлагыг хуульд нийцээгүй гэж үзсэн байна.

Харин М.Тулгатын толгойлж байгаа АН-ын зарим нэг бичиг баримтыг тодруулж, дахин хандах шийдвэр гаргасан мэдээ байна. Улсын дээд шүүх АН-ын дүрмийн өөрчлөлтийг огт хэлэлцээгүй байгаа. Энэ нь 2017 онд батлагдсан АН-ын дүрэм одоог хүртэл хүчин төгөлдөр байгаа гэсэн үг юм. Хэрвээ Улсын дээд шүүх СЕХ Ерөнхийлөгчийн сонгуульд нэр дэвшигчдийг бүртгэх өдрөөс өмнө дахин хуралдаж чадахгүй бол С.Эрдэнийн тамгаа шилжүүлсэн М.Тулгатын толгойлсон АН Ерөнхийлөгчийн сонгуульд нэр дэвшигчээ тодруулна гэсэн үг аж.