COVID-19-өөр 3 сая гаруй хүн нас баржээ

    Жон Хопкинсын их сургуулийн хийсэн тооцоогоор дэлхий даяар коронавирусээр нас барсан хүний тоо 3 сая даваад байна. Эл үзүүлэлтээр АНУ тэргүүлж буй бол удаад нь орж байгаа Бразилын оршуулгын газрын зай багассан тул Рио-де-Жанейро хотод оршуулгын шинэ цогцолбор барьж байна. Түүнчлэн тус улсын эрүүл мэндийн байгууллагууд бүсгүйчүүдийг жирэмслэхээ хойшлуулахыг зөвлөв. Эрүүл мэндийн сайд Рафаэль Паренте " Цар тахлын үеэр төрөх эмнэлгүүд ямар хүнд байгааг бид харж байна. Тиймээс жирэмслэхэд аюулгүй байхын тулд энэ асуудлыг илүү тохиромжтой цаг үед эргэцүүлэн бодож үзэхийг зөвлөе" гэж мэдэгдлээ.