Израиль улс коронавирусийн эсрэг вакцинжуулалтаар тэргүүлэгч болов

   "Насанд хүрэгчдийн 73 орчим хувь нь коронавирусийн эсрэг вакцин хийлгээд байна" гэж тус улсын ЭМЯ-наас мэдээллээ. Уг мэдээллээр дөрөвдүгээр сарын 8-ны байдлаар 5,295.082 хүн, өчигдөр 9.000 орчим хүн эхний тунг хийлгэжээ. Харин хоёр тунгаар сүүлийн 24 цагт 15.000 хүн, нийт 4,894.124 хүн тариулсан аж. Нэмж дурдахад 90-ээс дээш насныхны 98 хувь эхний, 92 хувь хоёр дахь тунгаар тариулсныг тэмдэглэсэн байна.