Доналд Трамп вэбсайт нээв

  АНУ-ын ерөнхийлөгч асан Доналд Трамп дэмжигчидтэйгээ харилцах вэбсайт нээлээ. 45office.com сайтыг гуравдугаар сарын 30-ны мягмар гарагаас ашиглах боломжтой болсон түүний ажлын албанаас "Трампын засаг захиргааны агуу өв уламжлалыг хадгалан үлдэх нь АНУ-ыг сурталчлах, нийгмийн бүхий л давхаргын америкчуудад улс эх орныхоо агуу ирээдүйг бүтээх талаар мэдээлэх, сургах, урам зориг өгөх явдал юм" хэмээн мэдээлжээ. Тус сайтад Д.Трампын Цагаан ордонд хийсэн ажлыг нэгтгэн дүгнэх мэдээллээс гадна дэмжигчид экс ерөнхийлөгчид сэтгэгдлээ илгээх, хувийн мэндчилгээ дэвшүүлэх, өөрийг нь болон гэргий Меланиаг нь арга хэмжээнд урих хуудсуудыг багтаасан аж.