Саудын Араб ОХУ-аас зэвсэг худалдан авч магадгүй

 "АНУ зэвсгийн борлуулалтаа түр хугацаагаар зогсоосноос хойш Саудын Араб ОХУ-ын зэвсгийг сонирхож магадгүй" хэмээн "National Interest" сэтгүүлд бичжээ. Тэнд тэмдэглэснээр Эр-Рияд 2017 онд худалдаж авах гэж оролдсон С-400 "Триумф" болон урт, дунд зайн зенитийн пуужингийн системийг авахыг хүсэж байгаа аж. Түүнчлэн Су-35С сөнөөгч онгоц, АК-103 автомат, ТОС-1А хүнд даацын галын систем, танк эсэргүүцэх "Корнет" пуужингийн системийг сонирхож байгаа гэнэ. Өмнө нь АНУ-ын ерөнхийлөгч Жозеф Байдений засаг захиргаа экс ерөнхийлөгч Доналд Трампын үед байгуулсан зэвсгийн наймааг түр зогсоосноос гадна Арабын Нэгдсэн Эмират, Саудын Арабад F-35 онгоц, нисэгчгүй довтолгооны онгоцны борлуулалтыг зогсоосон юм.