Капитолий ордны ойролцоогоос зэвсэг, тэсрэх бөмбөгтэй ачааны машин олжээ

 АНУ-ын нийслэл Вашингтонд үймээн болсон өдөр Капитолий ордны ойролцоогоос зэвсэг, 11 тэсрэх бөмбөгтэй ачааны машиныг цагдаа нар олсон талаар "NBC-2" телевиз прокурорын байгууллагын эх сурвалжаас үндэслэн мэдээлэв. Уг машины эзэн 70 настай Лонни Лерой Коффманыг саатуулсан төдийгүй бүртгэлгүй галт зэвсгүүд хадгалж, зөвшөөрөлгүй гар буу авч явсан хэргээр буруутгаж байгаа гэнэ. Түүний машинаас гар хийцийн 11 тэсрэх бөмбөг, М4 винтов, гар буу олдсон аж. Харин 70 настай эр нэгжих гэсэн цагдаа нарт "Хайлсан полистирол хөөсөнцөр, шатахуунтай сав машиндаа хадгалдаг" гэж өчсөн ч хууль сахиулагчид тэндээс гал хамгаалагч болон даавуу олжээ.