Нигерийн түүхэнд хамгийн олон хүнийг хөнөөсөн аллага гарлаа

  Нигерийн эрх баригчид тус улсын баруун хойд хэсэгт энгийн иргэдийг хоморголон хөнөөсэий дараа жихадуудтай тэмцэх дайн байлдааны ажиллагаа зарлав. Ерөнхий сайд Брижи Рафини хохирогчдын ар гэрийнхэн, эмгэнэлт явдал болсон газар цугларагсдад эмгэнэл илэрхийлэхийн сацуу "Боко Харам" террорист бүлэглэлийнхний гарт дор хаяж 100 хүн амь үрэгдэж, 25 хүн шархдасныг баталсан байна. Өнгөрсөн бямба гарагт мотоциклтой олон арван жихад хоёр хуваагдаад, Нигерийн нийслэл Ниамейгээс 120 км зайд Мали, Буркина Фасотой хил залгаа бүсэд орших хоёр тосгоны оршин суугчдад халдсан аж. Тус улсын түүхэнд хамгийн томд тооцогдох энэ аллага ерөнхийлөгчийн сонгуулийн эхний шатны дүн гарсан өдөр болсон агаад одоогийн Махамаду Иссуфуг залгамжлах хүний нэр хоёрдугаар сарын 21-нд болох хоёр дахь шатны сонгуулийн дараа тодрох юм. Дашрамд дурдахад Махамаду Иссуфу нь 2011 оны дөрөвдүгээр сарын 7-ноос Нигерийн зургаа дахь ерөнхийлөгчөөр ажиллаж байгаа билээ.