"Порту" супер цомын эзэн боллоо

      Португалийн хөлбөмбөгийн супер цомын шигшээ тоглолтод "Порту", "Бенфика"-г 2:0-ээр хожив. Тоглолтын 25 дахь минутад 28 настай, португали хагас хамгаалагч Сержиу Оливейра 11 метрийн торгуулийн цохилт амжилттай гүйцэтгэн, салхи хагалсан бол хоёрдугаар үеийн сүүлчийн минутад 23 настай, колумби довтлогч Луис Диас тооны харьцааг 2:0 болгосон байна. "Порту" улсынхаа супер цомын тэмцээнд 22 дахиа аваргалж буй нь энэ. Харин "Бенфика" тус тэмцээнд наймантаа түрүүлсэн юм.