Дональд Трамп 170 сая доллар босгожээ

  АНУ-ын ерөнхийлөгч Дональд Трамп 170 сая орчим доллар цуглуулсан аж. Ийм хэмжээний мөнгийг америкчууд Санал хамгаалах санд хандивлажээ. Ерөнхийлөгчийн сонгуулийн дараа түүний баг америкчуудад имэйл илгээж, шударга бус, луйврын сонгууль болсон талаар мэдээлсэн байна.  Хандивын 25% нь БНН-ын үндэсний хорооны, 75% нь "Америкийг авраач" нэртэй улс төрийн үйл ажиллагааны хорооны дансанд орсон гэнэ.                   Дашрамд дурдахад сонгуулийн дараахан Дональд Трампыг дэмжигчид хоёр дахиа тэмцэхэд нь шүүхэд шаардагдах мөнгийг цуглуулж эхэлсэн гэнэ. Түүнчлэн Цагаан ордны одоогийн эзэн "Шүүхийн шийдвэр гартал Жо Байден ялалтынхаа талаар ярих боломжгүй" хэмээн мэдэгдсэн юм.