Мелания Трамптай адилхан болсон "Орос залуу"

Оросын блогч, гэрэл зурагчин Семен Земсков АНУ-ын тэргүүн хатагтайн дүрд хувирсан нь олон нийтийн сүлжээ хэрэглэгчдийг гайхшируулжээ. Энэ дүрс бичлэгээ тэрээр TikTok-доо хийсэн байна.

 Дүрс бичлэгт тэрээр Меланиягийн нүүрний төрхийг дууриалган ээлж дараатайгаар будалт хийж байгаа нь харагдана. Эхлээд тэр тон тавьж, дараа нь хөмсөг  зурж, нүд, уруулыг  будаж, сүүлд нь хиймэл үс өмссөн байна. Энэ бичлэгийг бараг 100 мянган хүн үзэж, 13 мянга гаруй лайк даржээ.

 Земсковыг дагагчид түүний бүтээлийг үнэлж, шагшин магтаж байгаагаа комментад бичсэн байна. “Чи ёстой гайхалтай”, “Чиний бүтээл жинхэнэ ид шид болж, бахархахаас аргагүй”, “Энэ харцыг ээ, ёстой адилхан болж”, “Энэ хүн хэнтэй ч адилхан болдог хэрэг үү?, Авъяас, Ёстой мундаг!”, “Меланиягаас илүү Меланиятай адилхан болж” хэмээн тэд санал бодлоо илэрхийлжээ.

 Энэ залуу Оросын болон өрнөдийн нэр цуутай хүмүүсийн дүрд хувирч байснаараа нэрд гарсан аж. Жишээлбэл тэрээр дуучин Дима Билан, Филипп Киркоров, жүжигчин Жонни Депп, бизнесч бүсгүй Кайли Женнер болон бусад хүнтэй адилхан болж байжээ.

 

Б.Атар