Эрдэмтэд шивэр үнэртүүлдэггүй оймсны бүрээс бүтээжээ

Тайландын эрдэмтэд хүмүүсийг шивэр, хөлсний халдварт өвчнөөс салгаж чаддаг оймсны тусгай бүрээс бүтээсэн байна.  Шинэ бүтээлийг Махидолын их сургуулийн эмнэлгийн өвчтөнүүд болон цэргийнхэн дээр туршжээ.

 

Бүрээс нь цайрын ислийн (ZnO-NPs) нано эгэл бөөмсүүдээс бүтдэг бөгөөд шивэрний үнэрийг гадагш нэвтрүүлдэггүй байна. Үүнийг Тайландын тэнгисийн цэргийн сургуулийн 148 сурагч дээр туршжээ.

 

"Цэргийнхэн хөлний халдварт өвчөөр бусдаас илүүтэй өвчилдөг" хэмээн бичсэн доктор Пуняви Онгсригийн ажиглалт эрдэмтдийг ийм судалгаа хийхэд хүргэсэн байна.

 

“Цайрын ислийн нано эгэл бөөмсүүд бактерийн эсрэг үйлчилдэг болохыг өмнөх судалгаанууд харуулсан учир манай судалгааны багийнхан энэ арга бодит нөхцөлд хэрхэн үйлчилдэгийг шалгахаар шийдсэн юм” гэж эрдэмтэд бичжээ.

 

Б.Атар