Дэлхий даяар коронавирусийн халдвараар нэг сая хүн нас барлаа

Дэлхий даяар нийт нэг сая гаруй хүн коронавирусийн халдвараар нас барлаа. Одоогоор нас барсан 1,000,011 хүн бүртгэгдэж, нийт 33 сая хүнээс халдвар илрүүлээд байна.

Есдүгээр сарын 10-ны байдлаар 900 мянган хүн, наймдугаар сарын 22-ны байдаар 800 мянган хүн нас барсан байна. Харин зургаадугаар сарын 29-ний байдлаар 500 мянган хүнийг Covid-19-ийн халдвараар нас барсан хэмээн бүртгэж байжээ.

Халдвар авсан болон нас барагсдын тоогоор АНУ дэлхийд нэгдүгээрт бичигдэж байна. Тус улсад нийт 7,1 сая хүнээс халдвар илэрч, 205 мянган хүн амиа алджээ. Мөн Бразилд 142 мянган хүн, Энэтхэгт 95 мянган хүн нас бараад байна.