Манай баг ур чадварын дэлхийн аваргын шилдэг наймд шалгарлаа

Олон улсын сагсан бөмбөгийн холбоо ФИБА-гаас зохион байгуулж буй онлайн ур чадварын дэлхийн аваргын тэмцээнд Монгол хөвгүүд 17 хүртэлх насны дэлхийн аваргын шилдэг наймд шалгарлаа. 

Манай улсын баг Азийн хэсгээс сонгон шалгарч энэхүү тэмцээний дэлхийн аваргад оролцох эрхээ авсан юм. Тус шигшээ баг өчигдөр Туркийн шигшээ багийг 149-114, Уганда улсын шигшээ багийг 142-119 харьцаагаар хожиж хэсгээсээ гарах болзлыг хангасан. Харин хэсгийн сүүлийн тоглолтоо Беларусын багийн эсрэг хийж 112 оноог аваад байна.

Тоглолтын үр дүн нэг хоногийн дараа гардаг бөгөөд Беларус болон Монгол Улсын багын хожсон нь хэсгээ тэргүүлэх юм. Тэмцээний хуваарийн дагуу маргааш амрах бөгөөд нөгөөдрөөс хасагдах шатны тоглолтууд эхэлнэ.