Эвдэгдээгүй хэвээр буй дэлхийн дээд амжилтууд– Цуврал 3

1955 оноос Гиннессийн номонд дэлхийн олон олон дээд амжилт болон хүмүүсийг жил бүр баримтжуулан оруулдаг билээ. Ийнхүү олон тооны дээд амжилтыг баримтжуулсан ч хэсэг хугацааны дараа өөр нэгэн тэрхүү амжилтыг хэд хэдэн удаа эвдсэн байдаг. 

Гэхдээ эвдэгдээгүй амжилтууд ч бий бөгөөд ийм амжилтууд тогтоосон өдрөөсөө хойш яг л хэвээрээ байгаа аж. Ингээд уншигч та бүхэндээ бид ийм дээд амжилтуудыг цувралаар хүргэж байна. 

Дэлхийн хамгийн урт хумстай хүн

 

Хэрвээ та урьд нь Гиннессийн номыг үзээд Энэтхэгийн Пуне хотын Шридхар Чиллал гэдэг хүний зургийг хараад, гайхах байсан нь лавтай. Шридхар Чиллал бол дэлхийн хамгийн урт хумстай хүн бөгөөд 66 жил хумсаа авалгүйгээр дээд амжилтыг тогтоосон аж. Тэрээр ийм хумстай болохоор гараараа юм хийх боломжгүй учир солгой гарынхаа хумсыг л ургуулж, баруун гарынхаа хумсийг авдаг байжээ.

 

 

Ингээд сүүлд түүний хумсыг авахад итгэмээргүй урт буюу 909.6 см байжээ. Ийм хумстай амьдрахад амаргүй бөгөөд их өвдөж, нойргүйдэлтэй болсон байна. Эцэст нь тэрээр «Ripley's Believe It or Not! Times Square» шоун дээр хүмүүст үзүүлэхээр хумсаа авчээ. 

Б.Атар