МУГЖ С.Жавхлан: "Дуу бичлэгийн студээ их сансан байна"

Одоогоос гурван жилийн өмнө УИХ-ын гишүүнээр сонгогдож, урлагийн ертөнцөө тодорхойгүй хугацаанд орхиод байсан МУГЖ, дуучин, УИХ-ын гишүүн С.Жавхлан "Буурал даргын нутаг" нэртэй шинэхэн уран бүтээлээр ахин сонсогч фенүүдтэйгээ уулзаад байна. Тэрбээр хэдхэн хонгийн өмнө өөрийн фэйсбүүк хуудсандаа шууд live хийхдээ "Дуу бичлэгийн студдээ гурван жилийн дараа орж ирлээ. Маш сайхан байна. Энэ сайхан баяр хөөрөө та нартайгаа хуваалцхыг хүслээ" гэсэн юм. 

У.Пүрэвсүрэнгийн үг, Б.Пүрэвсүрэнгийн ая "Буурал даргын нутаг"  хэмээх уран бүтээлийг Увс аймгийн Давст сумын ард түмэн болон Увс аймгийн орлогч дарга Нямсамбуугийн хүсэлтээр бүтээжээ.

Монголын төрийг 44 жил удирдсан Төр нийгмийн нэрт зүтгэлтэн МАРШАЛ Юмжаагийн Цэдэнбал нь Увс аймгийн Давст суманд төрж өссөн ба Монголчуудын сэтгэл зүрхэнд мөнхөд дурсагдах энэ хүний төрсөн нутгийг магтан дуулж буйд гол утга санаа нь оршино.