Трамп мартамтхай болж байгаа аж

     АНУ-ын ерөнхийлөгч Дональд Трамп нэг жилийн өмнө Их Британийн хатан хаан хоёрдугаар Елизаветад барьсан өөрийн бэлгийг таниагүй байна. ITV  порталд ингэж бичжээ. 

Хатан хаан Букингемийн ордонд байдаг  цэвэр цусны морины жижиг тугалган барималыг Америкийн тэргүүнд үзүүлсэн байна. Үүнийг Трамп өнгөрсөн жил Лондонд ирэх үеэрээ хатан хаанд бэлэглэжээ. Энэ барималыг таньж байна уу гэж АНУ-ын төрийн тэргүүнээс асуухад, тэр шилээ маажсанаа, “Мэдэхгүй байна” гэж хариулжээ. 

Хатан хааны цуглуулгын захирал Тим Нокс Америкийн Ерөнхийлөгчийг яаран  зөвтгөөд, “нэг морь нөгөөтэйгээ маш адилхан байдаг” гэж хэлсэн байна.  АНУ-ын тэргүүн хатагтай  Мелания Трамп барималыг таньсан гэж тэр бас хэлээд, энэ нь “тун сайхан явдал” гэжээ. 

Трамп долоодугаар сарын 3-нд Лондонд ирсэн юм. Тэр гэргий Меланиягийн хамт нисдэг тэргээр Букингемийн ордонд иржээ. Тэднийг хунтайж Чарльз, түүний гэргий Камилла нар угтсан байна. Дараа нь америкийн тэргүүн хоёрдугаар Елизаветатай уулзжээ.

С.Инда