Б.Хурцын асуудлыг хаалттай хэлэлцэж байна

УИХ-ын чуулганы нэгдсэн хуралдаанаар одоо Тагнуулын ерөнхий газрын дарга асан Б.Хурцыг БНСУ-д суух Элчин сайдаар томилох эсэх асуудлыг хаалттай горимоор хэлэлцэж байна.

Дээрх асуудлыг хаалттай горимоор хэлэлцэх саналыг УИХ-ын гишүүн О.Баасанхүү гаргасныг гишүүдийн 69 хувь нь дэмжив.

УИХ-ын гишүүн О.Баасанхүү чуулганы нэгдсэн хуралдааныг хаалттай горимоор хэлэлцэх шаардлагын талаар дараах үндэслэлийг гаргасан юм. Тэрбээр “Б.Хурц өмнө нь Тагнуулын ерөнхий газрын даргаар ажиллаж байсан. Хуралдааныг нээлттэй явуулахаар улсын нууцтай холбогдох олон асуудал гарч ирж байгаа. Өмнө нь бид нээлттэй асуудлыг хэлэлцээд дэлхийн шившиг болсон” гэв.

УИХ-ын гишүүн, Батлан хамгаалахын сайд Н.Энхболд мөн байр суурь нэг байгаагаа илэрхийлж, санал хураахад олонх нь дэмжлээ.