УИХ дахь МАН-ын бүлэг хуралдана

УИХ дахь МАН-ын бүлэг өнөөдөр 11:00 цагаас хуралдахаар тов зарласан байна. Тус намын Удирдах зөвлөл энэ долоо хоногийн лхагва гаригт хуралдаж, Бага хурлаа есдүгээр сарын 25-нд зохион байгуулахаар тов гаргаад буй.

Бага хурлаар шинэ Засгийн газрын тэргүүнийг томилох бөгөөд УИХ-ын намрын ээлжит чуулганы эхэнд танхимыг бүрдүүлэх шийдэлд хүрээд байгаа юм. Улмаар МАН-ын шинэ намын дарга нь Засгийн газраа тэргүүлэх асуудлаар нэгдсэн шийдэлд хүрээд байгаа билээ. Тиймээс өнөөдрийн бүлгийн хуралдаанаар Бага хурал, шинэ Засгийн газрын бүтцийн асуудлыг хөндөн ярих чигтэй байна.