Ц.Сандуй: 7 дүүрэгт ялагдал хүлээсэн болохоор ажлаа өгч байна

НИТХ-ын тэргүүлэгчдийн хурал өнөөдөр /2017.09.14/ боллоо. Энэхүү хуралдааны эхэнд НИТХ-ын дарга Ц.Сандуй өөрийн хүсэлтээр ажлаа өгч байгаагаа албан ёсоор мэдэгдэв. Тэрээр “Миний ажлаа өгч байгаа шалтгаан нь цахим орчинд гарч байгаа элдэв асуудал бус нийслэлийн намын даргын хувьд өнгөрсөн Ерөнхийлөгчийн сонгуульд 7 дүүрэгт ялагдал хүлээсэн болохоор ажлаа өгч байна. Үүнээс өөр шалтгаан байхгүй” гэв.

Хуралдаанаар энэ сарын 22-нд НИТХ-ын ээлжит хуралдаан болохоор тов зарлагдав. Уг хуралдаанаар НИТХ-ын дарга Ц.Сандуйгийн ажлаа өгөх өргөдлөөс гадна цаг үеийн асуудал хэлэлцэх аж.