Х.Амартүвшин сая долларын төлөөх хоёр дахь ялалтаа авлаа

БНСУ-ын нийслэл Сөүл хотын "Jangchung" спортын ордонд холимог тулааны "Road FC" холбооны шилдэг 16 тамирчны хоёр дахь тулаан боллоо.

Х.Амартүвшин хоёр дахь өрсөлдөгч ЯпоныСасаки Шинжитэй өнөөдрийн тулааныг нээж тоглож өрсөлдөгчөө 1:22 секундэд хүнд цохилтоор ялж шилдэг наймд үлдлээ.

Х.Амартүвшин эхний өрсөлдөгч Хятадын Шан Лиан Руг 55 секундэд хүнд цохилтоор ялсан билээ.

Тэрбээр "Road FC" холбооны тэмцээнд зургаан тулааны гэрээ хийсэн. Зургаан тулаандаа бүгдэд нь ялж байж нэг сая долларын шагнал хүртэнэ. Энэхүү тэмцээн нь Ази тивдээ хамгийн өндөр шагналын сантай тэмцээнд зүй ёсоор тооцогдож байгаа.