МАН тэтгэврийн хэмжээг нэмэгдүүлж, зөрүүг арилгана

УИХ-ын сонгуулийн 9 тойрог Баянхонгор аймагт нэр дэвшигч Л.Элдэв-Очир Гурван булаг, Заг, Баянбулаг, Байдраг, Галуут, Баян-Улаан, Галуут сумын иргэдтэй уулзаж, мөрийн хөтөлбөрөө танилцууллаа. Сонгогчид нутгийн хүүгээ халуун дотноор угтан авч байлаа. Нэр дэвшигч Л.Элдэв-Очир тойргийнхоо иргэдэд ахмадуудад хандсан МАН-ын хэрэгжүүлэх бодлого, хөтөлбөрийг тайлбарлав. Тэтгэврийн зээлийн өндөр, тэтгэвэрийн хэмжээ нэмэгдэхгүй байгааг ахмадууд шүүмжилж байв. Үүнд нэр дэвшигч Л.Элдэв-Очир хариулахдаа "Азай буурлууддаа "Насны хишиг" тэтгэвэр олгох эрхзүйн орчныг бүрдүүлэхээр манай мөрийн хөтөлбөр заасан байгаа. Түүнээс гадна нийгмийн даатгалын сангаас олгох тэтгэврийн хэмжээг нэмэгдүүлж, тэтгэврийн зөрүүг арилгах бодлого баримтална" гэлээ.

Эх сурвалж: http://nam.mn/a/374