"Ice Top" хамтлагийн дуучин Хаагий таалал төгсчээ

Монголын хип хоп урлагийн нэгэн үе хүүхэд залуусын сонсох дуртай "Ice Top" хамтлагийн гишүүн Хаагий буюу Хатанбаатар өнгөрсөн жил нойр булчирхайн хорт хавдар хэмээх аюулт өвчинөөр өвдсөн билээ. Тэрээр монголын ард түмний сайхан сэтгэл, сонсогч фенүүдийнхээ тусламжаар гадаадад эмчлүүлэн эх орондоо ирсэн юм. Тэрээр энэ хугацаанд аюулт өвчинтэйгээ тэмцэн шаардлагатай эмчилгээгээ хийлгэжуран бүтээлдээ эргэн орохоор төлөвлөж байсан.

Тэгвэл өнөөдөр "Дижитал" хамтлагийн дуучин Эрка өөрийн цахим хуудсаараа "Монголын хөгжимийн ертөнцөд өөрийн маш том орон зайгаа үлдээгээд эрхэм анд минь тэнгэрийн оронд одлоо. Анд чамайг аав ээж, хань ижил үр хүүхэд, ах дүү, анд нөхөд, үнэнч үзэгч сонсогчид, Монголын ард түмэн үүрд дурсан санаж хайрлан хундэтгэж явах болноо... Андын минь аяны харгуй гэрэлтэй дардан байж эх дэлхий элгэн садандаа эргэн төрөх болтугай"

Мөн Хип Хоп холбооны БААВАР буюу Батбаяр "Монголын Хип Хоп холбооны гишүүн МУСТ ажилтан ICE TOP хамтлагийн дуучин Э.Хатанбаатар (Хаагий) маань ертөнцийн мөнх бусыг үзүүллээ. Анд минь энх амгалан тайван нойрсдоо" хэмээн бичиж олон хүмүүс эмгэнэл илэрхийлсэн байна. Хип, хоп урлагийн нэгэн од ийнхүү тэнгэрт хальжээ.