БНАСАУ пуужин хөөргөснийг Япон, АНУ, БНСУ-ын төлөөлөгчид буруушаав

      "БНАСАУ пуужин хөөргөснийг Япон, АНУ, БНСУ-ын төлөөлөгчид утсаар буруушаалаа" гэж ТАСС Японы ГХЯ-ны мэдээнээс эш татан мэдээллээ. Уг үйл явдлын дараа Японы ГХЯ-ны Ази, Далайн газрын захирал Такехиро Фунакоши, Хойд Солонгосын асуудал эрхэлсэн АНУ-ын тусгай төлөөлөгч Сон Ким, БНСУ-ын ГХЯ-ны хойгийн энх тайван, аюулгүй байдлын асуудал эрхэлсэн тусгай төлөөлөгч Ким Гон нар утсаар ярьжээ. Пуужин хөөргөснийг Дэлхийн хамтын нийгэмлэгт ноцтой сорилт болж байна гэж үзсэн талууд хамтын ажиллагаагаа үргэлжлүүлэхээр тохирлоо.