Монгол Улс халдварын нийт тохиолдлоор 77-рт, хоногт илрэх тоогоор 28-рт оржээ

Цар тахал эхэлснээс хойш дэлхий даяар нийт 237 сая гаруй хүн коронавирусний халдвар авсан нь тогтоогдож, 4,839,370 хүн нас бараад байна. Нийт 214 сая хүн эдгэрсэн бол одоогоор эмчлүүлж буй 18 сая хүн байгаа ажээ. 

Сүүлийн 24 цагт 449 мянган хүний шинжилгээнд коронавирус илэрч, 8125 хүн нас барсан байна. 

Дэлхий дахинд 237 сая хүн коронавирусний халдвар авч, 4.8 сая хүн нас баржээ

АНУ урьдын адил халдварын тохиолдлын тоогоор дэлхийд нэгдүгээрт орж байгаа бол хоёрдугаарт Энэтхэг, гуравдугаарт Бразил жагссан хэвээр байна.

Монгол Улс халдварын нийт тохиолдлоор /317 мянган тохиолдол/ 77 дугаарт бичигдэж, хоногт илрэх тохиолдлын тоогоор 28 дугаарт, нийт нас баралтаар 113 дугаарт оржээ. Түүнчлэн нэг сая хүнд ногдох нийт тохиолдлын тоогоор /94776/ 42 дугаарт, нэг сая хүнд ногдох нас баралтын тоогоор 114 дүгээрт бичигдэж байна.

• АНУ-д нийт 44,9 сая тохиолдол илэрч, 727 мянган хүн амиа алджээ
• Энэтхэг 33,8 сая хүнээс халдвар илэрч, 449 мянган хүн нас барсан
• Бразилд 21,5 сая тохиолдол бүртгэгдэж, 559 мянган хүн нас бараад байна. 

Эх сурвалж: Worldometers

gogo.mn

Хуваалцах

Жиргэх

Хэвлэл мэдээллээр 2021-10-08