Оросууд хэсгээсээ шалгарч чадсангүй

      Хөлбөмбөгийн Европын аварга шалгаруулах тэмцээний "B" хэсгийн сүүлийн тойрогт оросууд Данийн багт 1:4-өөр хожигдов. Данийн багийн М.Дамсгор, Ю.Поульсен, А.Кристенсен, Й.Мехле нар иус бүр нэг гоол хийсэн бол оросуудын нэр төрийн ганц гоолын эзэн нь А.Зюба байлаа. Тэрээр тоглолтын 70 дахь минутад 11 метрийн торгуулийн цохилтыг амжилттай гүйцэтгэв. Нөгөө талд Бельгийн баг Финландыг 2:0-ээр хожсоноор есөн оноотой болж, хэсгээ тэргүүллээ. Харин Дани, Финланд, ОХУ ижилхэн гурван оноотой ч бөмбөг тоолоход Дани хоёрт, Финланд гуравт орсон бол ОХУ сүүл мушгижээ.