С.Моллай долоод орлоо

Жүдогийн дэлхийн аварга шалгаруулах тэмцээн Унгарын нийслэл Будапештэд болж байгаа билээ. Эрэгтэйчүүдийн 81 кг-д дэлхийн аваргын алт, хүрэл медальт С.Моллай Египетийн М.Абдулрахманыг 1 минут 56 секундэд, Израилийн Г.Яковыг 2 минут 23 секундэд, Австрийн Ш.Борчашвилиг 2 минут 32 секундэд цэвэр ялсан ч хэсгийн аваргын төлөө Азийн аваргын хошой мөнгөн медальт, Узбекистаны Ш.Болтабоевт 2 минут 11 секундэд дийлджээ. Дагах барилдаанд 2018 оны дэлхийн аварга, Японы С.Фүживарад вазаригаар ялагдан, долдугаарт орлоо.