Е.Малкин бүх цаг үеийн тавд бичигдлээ

Хойд Америкийн үндэсний хоккейн лигийн плей-оффын хасагдах шатны тоглолт эхэлсэн билээ. "Питтсбург Пингвинз", "Нью-Йорк Айлендерс" багийн гурав дахь тоглолтод "оцон шувуу"-д 5:4-өөр хожиж, цувралыг 2:1-ээр тэргүүлж эхлэв. Энэ тоглолтод "Питтсбург"-ийн орос довтлогч Евгений Малкин хоёр гоолын дамжуулалт өгснөөр плей-оффын 171 дэх оноогоо авсан байна. Тэрээр плей-оффт европ хоккейчдийн авсан онооны үзүүлэлтийн тавд П.Форсбергийн хамт бичигдэх болсон аж. Тэдний өмнө Финландын Я.Курри 233, Чехийн Я.Ягр 201, Шведийн Н.Линдстрём, ОХУ-ын С.Фёдоров 176 оноогоор бичигдэж байна.