Д.Мертенс "Наполи"-гийн дээд амжилтыг 86 жилийн дараа давтав

                         Италийн аварга шалгаруулах тэмцээний 32-р тойрогт "Наполи"-чууд "Лацио"-г "Диего Армандо Марадона" цэнгэлдэх хүрээлэндээ хүлээн авч тоглолоо. Эл тоглолтод талбайн эзэд зочдоо 5:2-оор хожжээ. Тоглолтын 65 дахь минутад "Наполи"-гийн 33 настай бельги довтлогч Дрис Мертенс гоол оруулснаар багийнхаа мэргэн буучдын жагсаалтын тэргүүнд бичигдэх болсон аж. 2013 оноос "Наполи"-д хүчин зүтгэх болсон тэрбээр "Сери А"-д 102 дахь гоолоо оруулсан нь энэ бөгөөд 1935 онд тогтоосон Антонио Войякын дээд амжилтыг давтсан байна.