Р.Уэстбрүүк дээд амжилт тогтоолоо

   Америкийн үндэсний сагсан бөмбөгийн холбооны улирлын ээлжит тоглолтод "Вашингтон Визардс", "Детройт Пистонс"-ыг 121:100-гаар хожжээ. Энэ тоглолтод "Вашингтон"-ы лидер Расселл Уэстбрүүк 15 оноо, 14 самбар, 11 дамжуулалтаар улирлын 25 дахь трипл-даблаа хийлээ. Дөрвөн улирал 25 болон түүнээс олон трипл-дабл гүйцэтгэсэн тэрээр 20 тоглолтод 15 трипл-дабл хийсэн анхны тоглогчоор бүртгэгджээ. 32 настай Р.Уэстбрүүк 171 трипл-даблаар бүх цаг үеийн түүхэнд хоёрт бичигддэг бөгөөд өмнө нь түүнээс арван трипл-даблтай алдарт Оскар Робертсон ордог билээ.