С.Билгүүн, Ч.Алтангэрэл нар хүрэл медалийн төлөө барилдана

       Казахстаны Алматы хотод болж буй бөхийн төрлүүдийн Ази тивийн аварга шалгаруулах тэмцээн эрэгтэй чөлөөт бөхөөр үргэлжилж байна. Спортын мастер С.Билгүүн 65 кг-д Тажикстаны З.Шарифовыг 4:0-ээр ялсан ч хагас шигшээд дэлхийн аваргын мөнгө, хүрэл медальт, Азийн тоглолтын аварга, тивийн гурван удаагийн аварга, Энэтхэгийн алдарт бөх Б.Пуньяд цэвэр ялагдсан бол 97 кг-д зодоглосон ОУХМ Ч.Алтангэрэл эхлээд Кувейтийн Х.Алшаммариг 13:0 оноогоор цэвэр ялаад, хагас шигшээд дэвжээний эзэн орны А.Ергалид 2:6-гаар  хожигдов. Тэд хүрэл медалийн төлөө барилдах ба С.Билгүүн БНСУ-ын Жон Ён Сёктой, Ч.Алтангэрэл Японы Т.Ишигуротой хүч үзнэ.