М.Дөлгөөн түрүүлж, Б.Шоовдор, Э.Дэлгэрмаа нар үзүүрлэв

   Чөлөөт болон сонгомол бөхийн Ази тивийн аварга шалгаруулах тэмцээн Казахстаны Алматы хотод болж байгаа билээ. Эмэгтэйчүүдийн 55 кг-д "Нанжинь-2014" залуучуудын олимпын мөнгө, тивийн аваргын мөнгө, хүрэл медальт, ОУХМ М.Дөлгөөн түрүүлжээ. Энэ жинд дөрвөн бөх тойргоор барилдахад тэрээр Узбекистаны М.Усмонжонова, Казахстаны А.Ялишан, БНСУ-ын Ким Хьюн Жо нарыг цэвэр ялсан аж. Урьд нь тивийн аваргаас 2019 онд хүрэл, 2020 онд мөнгөн медаль хүртэж байсан М.Дөлгөөн Монголын эмэгтэйчүүдээс тивийн ес дэх аварга болсон юм.