"Вашингтон"-чууд өрсөлдөгчөө "бут ниргэв"

 Америкийн үндэсний хоккейн холбооны шилдэг багуудын нэг "Вашингтон Кэпиталз" өрсөлдөгч "Бостон Брюинз"-ыг 8:1-ээр "бут ниргэлээ". Энэ тоглолтод "Вашингтон"-ы Т.Оши, Л.Эллер, К.Шири нар тус бүр хоёр, Т.Уилсон, Н.Дауд нар тус бүр нэг шайб оруулжээ. Харин "Бостон"-ы К.Смит нэр төрийн ганц шайбын эзэн байна. Дашрамд дурдахад "Вашингтон"-чууд хамгийн сүүлд 2010 оны нэгдүгээр сард "Атланта Трэшерз"-тэй хийсэн тоглолтод найман шайб оруулсан юм. Нийслэлийн баг "Дорнод" бүсийг 58 оноогоор тэргүүлж байна.