Г.Алтанбагана хүрэл медаль авч, Тбилисийн их дуулгад гуравдугаарт орлоо

        Гүржийн Тбилиси хотод жүдо бөхийн "Их дуулга" тэмцээн өндөрлөв. Сүүлийн өдөр уламжлал ёсоор хүнд жингийнхэн барилдаж, эрэгтэйчүүдийн 90 кг-д хүч үзсэн ОУХМ, "Жакарта-2018" Азийн наадмын дэд аварга Г.Алтанбагана эхлээд хийлж, Лихтенштэйний Р.Швендингерийг ердөө 36 секундэд цэвэр, Унгарын Р.Гозыг 6 минут 30 секундэд, хэсгийн аваргын төлөө Казахстаны И.Бозбайевийг 3 минут 12 секундэд тус бүр гурван торгуулиар цэвэр ялсан ч хагас шигшээд Италийн Н.Мунгайд нэмэлт цагийн 40 дэх секундэд вазари алдан хожигдлоо. Хүрэл медалийн төлөө Узбекистаны Ш.Жандреевийг 2 минут 39 секундэд иппон буулгасан түүнтэй цуг Шведийн М.Ниман, Италийн Н.Мунгай, Узбекистаны Д.Бобонов нар медалийн тавцанд зогссон юм.