ОУХМ Г.Хэрлэн хүрэл медаль хүртэв

                  Гүржийн нийслэл Тбилисид болж буй "Их дуулга" тэмцээнээс ОУХМ Г.Хэрлэн хүрэл медаль авлаа. Эрэгтэйчүүдийн 66 кг-д "С" хэсгийг толгойлж барилдсан тэрбээр эхлээд хийлж, дараа нь Их Британийн М.Фрайерийг 3 минут 25 секундэд, Гүржийн Б.Цифианиг 3 минут 4 секундэд гурван торгуулиар цэвэр, дэлхийн аваргын гурван мөнгөн медальт, ОХУ-ын М.Пуляевийг 4 минут 59 секундэд вазаригаар ялаад, хагас шигшээд Узбекистаны С.Нуриллаевт 6 минут 14 секундэд гурван торгуулиар цэвэр ялагджээ. Хүрэл медалийн төлөөх барилдаанд Гүржийн Б.Ниниашвилиг 2 минут 30 секундэд ялсан түүний эл медаль "Их дуулга"-аас хүртсэн хоёр дахь медаль юм. Г.Хэрлэн 2014 оны Абу Дабигийн "Их дуулга"-аас хүрэл медаль хүртэж байв.