"Байерн"-чүүд эхний тоглолтдоо хожлоо

    Европын хөлбөмбөгийн холбооны хамгийн нэр хүндтэй тэмцээн Аваргуудын лигийн хасагдах шатны эхний тоглолтод Германы "Байерн" Италийн Ром хотод зочилж, "Лацио"-г 4:1-ээр буулган авав. "Байерн"-ий Р.Левандовски, Ж.Мусиала, Л.Сане, "Лацио"-гийн Х.Корреа нар тус бүр нэг гоол оруулжээ. Мөн Италийн багийн Ачерби тоглолтын 47 дахь минутад хаалгандаа гоол оруулсан аж. Хоёр багийн хариу тоглолт гуравдугаар сарын 17-нд "Байерн"-ийн талбайд болно.