Н.Жокович "Australian Open"-д ес дэхээ аваргалав

Талбайн теннисний "Их дуулга" цувралын эхнийх болох Австралийн нээлттэй тэмцээний эрэгтэйчүүдийн ганцаарчилсан төрөлд дэлхийн манлай теннисчин, Сербийн Новак Жокович түрүүллээ. Чансаагаараа дөрөвт эрэмбэлэгдэж буй 25 настай орос залуу Даниил Медведевийг 7:5, 6:2, 6:2-оор хожсон 34 настай тэр уг тэмцээнд ес дэхээ түрүүлсэн бөгөөд урд нь 2008, 2011-2013, 2015, 2016, 2019, 2020 онд Норман Брүүксийн нэрэмжит цомыг өргөж байжээ. Тэд өмнө нь долоо таарахад дөрөвт нь дэлхийн тэргүүн теннисчин давамгайлсан аж. Н.Жокович 2,113.375 сая долларын чек хүртсэн бол Д.Медведев 1,152.750 долларынхыг.